لا تـتـصـل مــالك على القلب طـاعه
عـذبت قــلـبي والوفاء منك مجروح
وأعــرف قـصـيـدي مـا يسرك سماعه
ولا انته على بيتن من الشعر مشفوح
وغـيـرك يكلمني بـصـدق وشـجـاعـه
بصدق معك يـا زين مـجـروح ويبوح
وكــلامـه رقـيـق ورقـته بندفاعه
ولولاي أحــبـك كان سلمته الـروح
وتفداه روحـــي مير مـاهي بضاعه
ومن عاش في قلبين كــذاب مفضوح
وياليتني الــقـى لـحـبـك مناعه
ويا ليتني ارحـل مع الطير وأروح
عـايش أمــل في قلبك أعيش سـاعه
وقلبك حـجر وأنا من الشوق مذبوح
وكــل القصايد مــا عطتني شفاعه
ما عـاد لي بالشعر يا زين مصلوح
لأجلك نـظـمـتـه وعشت رحلة ظياعه
ويمك رسلته بداخله الحال مشروح
وظـيـعـتـني فأحفظ قصيدي وراعـه
وأخر كلامي الوفاء منك مـجـروح
*-*-*-*-*-*-*-*-*-*-*-*-*-*-*-*-*-*-*
لاعاد ترجاني ولاني براجيـك ..
والكل منا جعل دربه سلامــه
لاعاد اسولف بك ولاجيب طاريك ..
وانشهد ان بعض المعرفه ندامه
قلبي من اول يودك ويغليك ..
وعن خلق الله ترفعت هامـه
واليوم عذال الهوى شرعوا فيك ..
حطوا على عينك سواد الغمامه
لا تحسبي في قصيدي انا اجيك ..
عن حبنا اللي راح واقفى غرامه
حبك تحطم وانتهى بين اياديك ..
قصر الغرام اللي بنيته هدامه
*-*-*-*-*-*-*-*-*-*-*-*-*-*-*-*-*-*-*
لا تتصل بي خطي اليـوم مشغـول
دور على غيري عسى الله يعينـك
لا تتصل مشغول خطي على طـول
حتى الرقم باغيـره لاجـل عينـك
بحط لي رقمٍ عن النـاس مجهـول
خلاص كف الهرج بينـي وبينـك
لا تقول لي شنهي السبايب ولا اقول
كانك ذكي حلـل كلامـي بحينـك
اول تقول الكـذب واقـول معقـول
يـومٍ قلبـي لعبـة فـي يمينـك
غريتني بهرجٍ من شفاك معسـول
وأصدقك ما أرضى بشيء يهينـك
واليوم كل خيانتك جـات باصـول
قريت ما خبيت لـي فـي جبينـك
*-*-*-*-*-*-*-*-*-*-*-*-*-*-*-*-*-*-*
إمداك تنسى الزعل وتقول سامحني
من بعد ذاك الخطأ ودك تراضيني
قدامهم كيف جاء لك قلب تجرحني
أدميت قلبي بكلمة وأدمعت عيني
أيّاني وأيّاك با اسلوبك تمازحني
حاسب كلامك إذا ودك تحاكيني
وأن كنت ولهان أو ودك تصالحني
تعال وخل السوالف بينك وبيني
عندي خبر بينهم تمشي وتمدحني
وهذا الذي بالغلا لو غبت يكفيني
ما ابي اصارحك ولا ودي تصارحني
لكن إذا طـــال صـــدي لا تجافيني
*-*-*-*-*-*-*-*-*-*-*-*-*-*-*-*-*-*-*
لاتتصل ماني على الصوت شفقان
وفـر، كلافـة عنوتـك. واتصـالـك
اللي زعل يبقى على طـول زعـلان
ومشكور ماقصرت يكفـي سؤالـك؟؟
مامشي ورى المقفي لو كـان ماكـان
اعز نفسـي صـوب رغبـة وصالـك
صحيح أحبـك مولعـاً فيـك هيمـان
وصوتـك يسافربـي لاعالـم خيالـك
لكن حبـي لـك ألـه اربـع أركـان
من دونهـا عنـدي قصيـره حبالـك
عزي ؟ وفهمك ؟ كلمتي ؟ وزود تحنان
وايضا الوفا ؟ واأبشر بقلبـي وفالـك
وأنكـان ناويهـا صـدوداً وهجـران
لابـوك لابـو الحـب لابـو جمالـك
أحقرك وانهي عشرتـك (ذل) حقـران
بهيبـك لينـه يخيـفـك أضـلالـك
ماقد سمعـت بـذل أنسـان لاأنسـان
منـي خـذه لاتسمعـه دوك جـالـك
لاتحسبيني شخـص بالسهـل ينهـان
منهو نواهـا محاولـه صـار هالـك
*-*-*-*-*-*-*-*-*-*-*-*-*-*-*-*-*-*-*
دخيل الله ياقلبي أنا طالبك تعفيني
أنا طالبك تنساااااني ولو مره تخليني
أعيش بدنيتي وأهنا مثل باقي البشر سالي
بدون الحب ياقلبي وبدون هموم تكويني
أنا ماعاد فيني روح تبيها تتبعك ثاني
انا فيني جسد باقي بدون شعور يحويني
على كثر القلوب اللي هوينا ماصدق واحد!!
ياقلبي ابتعد منهم ترى اللي فيني كافيني
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبي فيني
كثير أحباب حبينا وعطيناهم بدون حساب
ولاخذنا سوى غدر ٍ ملا راحات كفيني؟؟
وكثير أسباب تجبرنا بلا حسوفه نخليهم
لأن والله مافيهم ولا واحد ملا عيني
أفااااا ياقلبي الطيب...أفا وشلون ترضاها
وأنا من صدمة ٍ بالحب إلى صدمه توديني
بدون عناد اسمعني ولا تفتح لي الموضوع
حشا لو تفتحه ثاني لأشيلك من شراييني
خلاص الحين انساهم وأنا ماعاد فيني حيل
لهم رب ٍ يجازيهم/ ولي رب ٍ يجازيني
*-*-*-*-*-*-*-*-*-*-*-*-*-*-*-*-*-*-*
لاتتصل بي طابـت النفـس مابيـك
مابيـك دامـك فـالمشاعـر تسـلا
مسحت رقمك والرسايـل وماضيـك
مابيـه يااللـي منـك مابيـه كـلا
خلاص أبرحل عن غرامـك وأخليـك
دام الغمـام اللـي بعيونـي تجـلا
شوف شخص ثاني يشبهك في مباديك
دلـو الخيانـه وسـط قلبـك تـدلا
وإلأ مثل شخصي خسـاره يحاكيـك
ياللـي فـؤادك باالخيانـه مُـحـلا
أول حبيبي ياحبيبـي وأنـا أغليـك
واليوم مالك فـي ضميـري محـلا
لاياخساره يوم مـن قلبـي أعطيـك
حب(ن) حقيقي وعيون تبكـي تهـلا
وياما سهرت الليل وحـدي أناجيـك
وطيفك يمـر القلـب ومنـه يتحـلا
ماكان أحد(ن) في حياتـي يجاريـك
وماغيرك أحـد(ن) للفـؤاد أستحـلا
واليوم بانت لـي حقيقـة مواريـك
نجمك هوا مـن بعـد ماهـو تعـلا
ماعـاد أحبـك أو أودك ولا أبغيـك
وفـؤادي اللـي يعشقـك عنـك ولا
خلك مع الهجـران والبعـد خليـك
بنـار هجـري ياحبيبـي تـصـلا
ولاعـاد ترجعلـي ويكثـر ترجيـك
قلبي إذا أنـه عـاف عـاف وتخـلا